Желтоқсан оқиғасы – тәуелсіздік айғағы

11 желтоқсан күні мектебімізде  "Желтоқсан оқиғасы – тәуелсіздік айғағы" атты танымдық дәріс өтті. Құрметті қонағымыз, спикер ҚР Мәдениет және ақпарат министрлігі Архив, құжаттама және кітап ісі комитетінің «Геральдикалық зерттеулер орталығы» РММ бас маманы, ақын, желтоқсаншы Айгүл Әміржанқызы Ермекова 8-сынып оқушыларымен кездесті.

Кездесу барысында спикер Желтоқсан оқиғасы кезінде өз басынан өткерген қилы заман туралы оқушыларға әсерлі баяндап берді. Сонымен қатар, оқушыларға ұлттық құндылықтарды насихаттап, патриоттық бағыттағы терең ойлар айтты. Кездесу өте жоғары деңгейде өтті: оқушылар өздерін қызықтырған сұрақтарын қойып, ашық диалог жүргізді. Мұндай тағылымды шаралар жас ұрпақтың тарихты құрметтеп, елжанды болып өсуіне үлкен ықпал етеді.