NIS Intel Race: титандар шайқасы

Бүгін жазғы мектептің 3 күнін қорытындылаған бұл сайыс 7-8 сыныптар арасында өтті.

Күш пен жылдамдық, ептілік сыналатын қашықтан басқарылатын автотитандар жарысында 4 көлік моделі екі кезең бойынша сайысқа түсті.

Қызықты әрі тартымды ойынның білім бағдарламасындағы да рөлі үлкен – оқушылар STEM оқыту жүйесі негізінде білімдерін тәжірибе жүзінде іске асырады: математика пәнінен жол ұзындығы мен шеңбер диаметрінің байланысы, информатика пәнінен алгоритмдік бағдарлама құрастыру, физикадан үйкеліс күшінің табиғатын түсіну, жылдамдық пен қуат арасындағы байланыс қалыптастыру болып табылады.