Түркістандағы химия-биология бағытындағы NIS-тің директоры лауазымына «Назарбаев Зияткерлік мектептері» ДББҰ-ның қамқоршылық кеңесі ұйымының шешімімен Айдын Елеусізұлы Түсіпжанов тағайындалды.

Бүгін «Назарбаев Зияткерлік мектептері» ДББҰ-ның басқарма төрағасы Әнуар Жанғозин Түркістандағы NIS ұжымымен кездесіп, жаңа басшымен таныстырды.

Алқалы жиында Түркістандағы NIS-ті ашылғалы басқарып келген Балқан Касимов сөз сөйлеп, екі жылға жуық уақыт бойы бірлесе қызмет атқарған ұжымға өз алғысын білдірді. Сондай-ақ жаңа оқу жылында үлкен жетістіктерді бағындыруда сәттілік тіледі.

Айдын Түсіпжанов бұған дейін Өскемен қаласы химия-биология бағытындағы «Назарбаев Зияткерлік мектептері» физика әдістемелік бірлестігінің жетекшісі, физика пәнінің сарапшы мұғалімі қызметін атқарған.

Білімі: 2009-2011 жж. — Д.Серікбаев атындағы ШҚТУ-нің «Физика» мамандығы бойынша жаратылыстану ғылымдары магистрі,

2013 ж. – «Болашақ» бағдарламасы бойынша Польша қаласындағы Вроцлав университетінде ғылыми тағылымдамадан өткен,

2016–2020ж. — Сібір Федералды университеті,: «Материалдар технологиясы» мамандығы бойынша аспирантура дәрежесі,

2021ж. — Сібір мемелекеттік индустриалды университеті «Конденсірленген күй физикасы» мамандығы бойынша техника ғылымының кандидаты,

Еңбек жолын NIS жүйесінде 2017 жылдан бастап Өскемендегі NIS-тің физика пәні мұғалімі қызметінде жұмыс істеді. Ал 2021 жылы Зияткерлік оқу ордасында физика пәнінің әдістемелік бірлестік жетекшісі қызметін атқарды.

Кәсіби жетістіктері:

2021ж. — Мектеп мұғалімдерінің пәндік құзіреттілігін дамыту бойынша жаттықтырушы (ресретификация-2022ж.),

«Физика пәні бойынша 10-сыныпқа арналған құрылымдалған тапсырмалар жинағы», атты қазақ, орыс тілінде (бірлескен автор) әдістемелік құрал жазған,

2023ж. — Колледж оқытушыларының пәндік құзіреттілігін дамыту бойынша жаттықтырушы,

Өскемендегі NIS-те өткен «Жыл мұғалімі 2023» байқауының жеңімпазы атанған.

Сонымен қатар, зияткерлерді ғылыми жобалар мен конкурстарға дайындауда жеткен жетістіктері:

2020 ж. — Бүкілресейлік Вернадский конкурсынан Есмұратұлы Мирас жүлделі І орын иеленген,

2021 ж. — Оңтүстік Корея мемлектінде өткен «Жас ғалым» халықаралық байқауынан Сейілханова Дилназ І орын, 50% грант иегері атанған,

РМҚК-да «Адам-Жер -Ғарыш» бөлімі бойынша Мұратов Аділет І орын,

2022 ж. — «Керамзитпластикалық блоктар жасау әдісі» өнертабысы үшін авторлық құқық иегері атанған (№ 35621),

2022 ж. — Бүкілресейлік Вернадский конкурсы Қапаров Дәулет Гран-при иегері атанған, сондай-ақ «Адам-Жер-ғарыш» атты бүкілресейлік байқауынан І орын иеленген.

Тілдік құзыреттері: IELTS 5,0 КазТест — С1 «жоғары», орыс тілі – еркін, поляк тілі – B1

2019 жылы — Қазақстан Республикасы білім және ғылым министрлігінің арнайы алғыс хатымен марапатталған.