Тоғызқұмалақ өткен ғасырлардан бері қазақ даласындағы ең кең тараған ұлттық ойын түрлерінің бірі.

Қазіргі таңда әлемде тоғызқұмалақ ойынына ұқсас мысырлық калах, Шри-Ланкада олинда калия, қырғыздарда тогуз коргоол, африкалықтарда манкала, габата, абапа, нам-нам, бао, тамподуо, омвесо, маработ, тұрақты америкалықтарда аджи-бото, варри роунд жане роунд, азиялықтарда сунгка, паллангули, гонгкак сынды ойындар бар.

Қазақстан тәуелсіздік алған жылдан бері тоғызқұмалақ жылдан-жылға дамып келеді. Бұл жерде жаңа құрылған тоғызқұмалақ федерациясының ықпалы зор болып отыр. Бүгінгі таңда осы қауымдастықтың арқасында елдің түкпір-түкпірінде үйірмелер ашылып, тоғызқұмалақтан жарыстар жиі өткізіліп келеді. Ұжымдық жұмыс оқушылардың бір-бірімен қарым-қатынас жасау қабілетін дамытады.

Үйірмеде оқушылар ең алдымен тоғызқұмалақ ойынының ережесімен танысып, ойын тәсілдерін үйренді.

Жалпы үйірменің мақсаты: оқушылардың ойлау қабілетін, санасын, назарын, шығармашылық қиялын, байқағыштығын ой желісінің дәлде алыстан болжау қасиетін дамыту болып табылады. Одан бөлек, оқушылардың тез ойлап, тез есептеу дағдыларын арттыруда ментальді арифметика элементтері жетіледі.

Үйірмеден күтілетін нәтиже оқушылар тоғызқұмалақ ойынын үйреніп, ойлау қабілетін кеңейтіп, есте сақтау, болашақты саналы жоспарлау қабілеттері дамиды.